చేసుకున్నవారికి చేసుకున్నంత !!

చేసుకున్నవారికి చేసుకున్నంత అని ఎందుకు అంటారో నిన్నే నాకు అనుభపూర్వకం గా తెలిసింది .
ఎందరో మంచి మనసు గల మారాజులు , తుఫాను ఒకటో నంబరు హెచ్చరికలు జారీ చేసినా కూడా , నేను కంత్రి సినిమా కి వెళ్ళడం విధి వైపరీత్యం కాక పోతే మరేంటి !!
మొదటి సారి వెండి తెర ఫై ఎన్.టి.ఆర్ చూసే సాహసం చేస్తే ఇలాగే అవుతుందేమో !!

సైజు తగ్గించుకున్న కారణం గా చూద్దామని వెళ్ళా ( యమదొంగ లో కూడా తగ్గాడు కాని అప్పటికి ఇంక అతని సినిమా చూసే ధైర్యం రాలా !! ) .
సినిమా ముందు అందరు తప్పని సరిగా చూడాల్సింది ఆర్.ఎస్ బ్రదర్స్ యాడ్ కాబట్టి ,దాని తోనే శ్రీకారం జరిగింది , ఆ తరువాత న్యూస్ రీల్ ,అనగా కాంగ్రెస్ కి ఓటు వెయ్యండి అనే ప్రచార కార్యక్రమం అన్న మాట ...
ఎంత కాంగ్రెస్ అంటే కొంచెం అభిమానం ఉన్నా కూడా ఆ రీల్ ని భరించ లేక పోతుంటే , నా కంటే మంచి కోపం గా ఉన్న
అమ్మాయి ఒకామె ,"వీడి (వై.ఎస్ ) గోల బరించ లేకపోతున్న , తీసెయన్ద్రా బాబు !! అని గోల పెట్టడం మొదలెట్టింది " . టికెట్టు కొన్న అందుకు ఈ రోజు టైం పాస్ అవుతుందని నాకు ఆనందం కలిగింది .
సినిమా మొదలయ్యింది , "సైకిల్ డైలాగులు , హెడ్డు డైలాగులు , రెండు ఫైట్లు ,రెండు ముద్దులు" ఐన తరువాత సినిమా బాగానే ఉంది కదా , పాపం అందరు ఎందుకు ఆడి పోసు కుంటూ న్నారు అని నాకు అనిపించింది , ఇంతలో ఇంటర్వెల్ వచ్చేసింది . ఇంటర్వెల్ దగ్గర నాకు ఒక్క సారి పోకిరి ఇంటర్వెల్ గుర్తుకు వచ్చింది , ఆ మాత్రం పోలికే రావటం సహజమే కదా అనిపించింది (ఎందుకంటే అందరు పోకిరి రీమేక్ అని అన్న అభిప్రాయం విన్న తరువాత చూసాను కదా ) .

ఇక అసలు కధ ఆరంభం (సినిమా కాదు అవి నా బాధలు ) , ఇంటర్వెల్ తరువాత ౪౫ నిమషాలు కధ ఎటు కదలట్ల , నేను రెండు కళ్లు మూసుకొని సినిమా వింటున్నా !!
ఇంతలో రెండో హీరోయిను "హి ఈజ్ ఇంతేరేస్తింగ్ అంది , క్రాంతి ని . "
ఇక నా వెనుక కూర్చున్న అమ్మాయి "హి ఈజ్ ఇంతేరేస్తింగ్ ,అటే !! " అని ఒకటే నవ్వులు "
అప్పుడు నాకు మెలుకువ వచ్చింది .
సినిమా హాలు నుంచి బయటకు వెళ్ళటానికి ఒపిక లేక మిగతా సినిమా ని భరించ వలిసి వచ్చింది